فرحه يتيمه

[عبدالرحمن المعداني]

فرحه يتيمه

نَسبَحُ في بُحورٍ الزمن
و نتذوّق مرارة الألمٍ
حتى نكتشف قسوة الأقدارٍ
و نبقى تحت رحمةِ الظروفَ
إلى أن يفرجهآ المولى ..

العـــــــــــذاب يهون لكن غصّة الفرقا عظيمه
و الـــــظروف تحد شاعر فالبلا يصفق كفوفه

الحـــــــــــياة بدون وصلك في معانيها سقيمه
لاتحاسب من غدى وضعه تحت قبضة ظروفه

من مشت فيه الظروف و فـــرحته كنها يتيمه
مات ابوها و الزمن ما قصّر بطـعنة ســـيوفه

والله اني رغم عــن ضعفي حياتي مستقيمه
خافقي عايش بدونك و ان طرى غيرك يعوفه

من تحدّاني زمــــــاني و الحزن ما فيه شيمه
أينعت أوراق قلبي و البلا حـــــــــــطّم رفوفه

ذكرياتك في خيالي صـــورتـ[ن] ماهي قديمه
جسّدت طيفك لــــجل في كل حالاتي أشوفـه

وان نسيتك في قصيدي تصبح افكاري عقيمه
أجــــــمع الكلمة و حرفي بالعنا يعلن عزوفه

أجبرتني هالظـــــــــروف و فكرة الفرقا أليمه
و ادري انّك في عـنا مثلي و تقضيها حسوفه

مثل من يتبع ســراب و يـــوصل لبقعه عتيمه
من صحى حاكاه جرحه و انفتق في نص يوفه

فرّقتنا هالظروف و ما احـــــسبت للحب قيمه
ما درت إن المشــــاعر نسّت المشتاق خوفه

العذاب يهون لكن غصّة الفرقـــا عظيمــــــه
و الـزمان يحد من مثلي لجل يقـــهر ظروفه

و يبقى ذلك الحبُ الصادِق
أسطورة لا تتأثّر بالظروف
و حكاية ليس لها نهاية في قلوبٍ العشاقَ ..