شاعر المليون:وش صار ماندري ماندري وش اللي صار

[حسن الحارثي]

وش صار ما ندري ماندري وش اللي صار
ولا ندري وش اللي بعد بيصير


هذا بيت من أول مشاركة لخليل الشبرمي

وأصبحوا كل السعوديين يرددونه


ناصر وعيضة في المركز الرابع والخامس!!!!!!


والله عار

وظلم واضح

وكانت ليلة البارح بداية النهاية لشاعر المليون

في النسخة الأولى فاز بن فطيس ويستاهل

بالرغم من كل الذي قيل عن المحسوبيات

ولكنه شاعراً فحلاً ، وهو بوجهة نظري أفضل شاعر في تلك النسخه


أما خليل الشبرمي

رجل ونعم الرجل,ثقل,وأخلاق عالية

ونعم بقبيلته بعد

ولكن وبكل أمانة لا يستحق اللقب

الكل إستغرب لحظة إعلان النتيجة(حتى البيرق)

وناصر وعيضه فازوا بقلوب الملايين

و تكريمهم علينا وعلى قبائلهم وجماهيرهم وعلى وطنهم

ناصر الفراعنة حاس باللعبة وقال ناقتي اللي جيت عليها بروح عليها

لاحظنا خروج الشيخ محمد بن زايد

ولاحظنا قطع الإرسال خلال مشاركة عيضة

ولاحظنا التقرير عن الفائز وكان بعد تسليم البيرق على طول

وكان تقرير معد مسبقاً

ـــــــــــــــــــــــــــــــــــــ

الكبير يظل كبير

[عبدالعزيز بن سعد السراء]

الاخ العزيز حسن الحارثي

والله العظيم انها مقصودة واكبر ظلم واجحاف بحق الشاعر ناصر الفراعنة وكذلك بحق السعودية

لكن ولله الحمد نحن نعرف امتياز شاعرنا ابو فراس ونعرف وقوف اللجنة ضده والكبير يظل كبير

لكن اتمنى تكون اخر مشاركة سعودية لان المقصد واضح وضوح الشمس والف مبروك للفائز

عبد العزيز بن سعد السراء

[بنت السعودية]

المشكلة /ان الشعب السعودي مثل ماقالت عنه مرة الشحرورة (طييييييييييوب )

أظنها كانت تقصد الى درجة السذاجة

الشعراء المتميزون سعوديين والبرنامج قائم على اتصالات السعوديين والابداع سعودي مائةبالمائة .

الفراعنة حالة شعرية نادرة وصيحة وثورة في عالم الشعر يكفيه فخرا" ان الصغار أحبوه قبل الكبار .
الفراعنة حرك الذائقة الشعرية التي خفتت لسنوات عديدة .
وما حدث معه طبيعي في عالم الحسد فكما أخرج حسد ابليس ابونا آدم من الجنة أخرج حسد الاماراتتين الفراعنة من الفوز


اذا انضم السعوديين للمسابقة المقبلة ففعلا" شعب طييييييييييييييييوب

تحيييييييييييياتي

[عقيل الظفيري]

الاخ حسن
لعبه واضحه من شاعر المليون والقائمون عليه الكل توقع فوز ناصر الفراعنه والشبرمي مثل ماذكرت يتميز بالثقل من خلال المشاهده له عبر الشاشات ولانقلل من شأنه ولكنه ليس الاجدر بالفوز .. عطني اذنك اهمس فيها ( مطبوخه )
تحياتي/ عقيل

[مشاعل]

انا ماتابعت البرنامج من اوله بس شفت ناصر ولاكثر من مرة وشدتني ثقافتة التي يدخلها في قصائدة بطريقة متميزة
بس تضايقت لان الوالدة عصبت مرة وكانت بتكسر التيلفزيون بس الحمدللة في الاخير ربي طامنها بأسمة
ودائماً نحن فوق هام السحب رضي من رضي والي مو راضي حيرضى غصبً عنة هههههههههههههههههه

[عبدالعزيز العنزي]

اخي العزيز حسن

فانا اتفق مع الاخ عقيل والاخت بنت السعوديه لما ذكرو

فعني انا بكل صراحه منذ دخول ابو النعاج الفلسطيني وطرد اسماء كثيره فلم اتابع اي حلقه فيه

ولكن بالامانه كوني من قبيلة عنزه فاكيد حلقات خلف كنت اتابع قصائده عن طريق اليوتوب

يعني تسجيل فقط لا غير لان البرنامج كما ذكر اخوي عقيل مطبوخ كل شي فيه ومعد سلفا

فلهذا اتمني من اي شاعر سعودي ان لا يغامر مستقبلا في برنامج تافهه ريعه الي نشوه الرويني ;) صاحبة الامتياز ;)



الاخت مشاعل يااخوفي الوالده كسرت التفزيون علي راسك لان اذكر مره تقولي راسي يوجعني :D
ومصدعه فاذا عرف السبب بطل العجب :p




دمت بخير

[حسن الحارثي]

مشكورين على المرور


وشعّا رنا والله ما يتوبون

وطالعوهم السنجة الجاية,بينامون على الأرصفة


أما ناصر ما نقولة الإ ما قالة محمد جار الله السهلي:


والله مـا تبـحـل ولا يمـكـن تحـيـد،،،بتـقـول مــال الحمـلـه إلا جملـهـا

والحملـه اللـي بركّـت كـل صنـديـد،،،فرعونـا ( نـاصـر) يـقـوم بدبلـهـا

شاعـر علـم : حنكـه وجـرأه وتجديـد،،،ينـزل قفـار ٍ مـاحـد ٍ قــد نزلـهـا

فكـر وشعـر ناهـي وراهـي مـواريـد،،،وان مالـت الدنـيـا بفعـلـه عدلـهـا

فرقه عـن اقارنـه ومـن غيـر تعقيـد،،،قصـه ابشرحهـا وابـضـرب مثلـهـا

مطامـع الشعّـار فـي نــدّر الصـيـد،،،تحثهـم علـى السعـي فــي سبلـهـا

تقنـص لهـا بسهومـهـا والبـواريـد،،،وهـذا رمـى هــذي وهــذا نبلـهـا

متزاحميـن وصيـدهـم دايــم زهـيـد،،،والنـادره تـشـرد ولا احــد ٍ قتلـهـا

ومن خلفهم ( ناصر ) على حصان ابو زيد،،،واليـا شـرد منهـن عصيّـه ختلـهـا

ولا هـي غريبـه يـا حفيـد الاماجـيـد،،،لا شقـت مـن عيـا عليـهـا خجلـهـا

الكايـده بنـت الفـخـر قبـلـة الغـيـد،،،طرقـا ً زهـى منـظـر جسـدهـا حللها

وانّـا معـك دعـم ومـواقـف وتأيـيـد،،،حتـى يبيّـن جـدهـا مــن هزلـهـا

وان شحـت فيـاض الزمـن بالعناقـيـد،،،عــادي يكفيـنـا جنيـنـا نخـلـهـا

وخلاصـة الموضـوع والشـي الاكـيـد،،،جملـه و مـن قبلـي (فـلاح) ارتجلهـا

مـن غيـر قاصـر فالرجـال الصناديـد،،،(حنـا معازيـب القصـايـد واهلـهـا )




تحياااااتي

[الراقي]

الاخ العزيز حسن الحارثي

كل الشعراء متميزين لكن مايصح ان يفوزالثنين من قطر صراحه انااقول الي يستحق يفوزناصر الفراعنه

[ابو رائد]

عفواً ليس ببرنامج شاعر المليون وانما سارق المليون

والدليل حصول السفياني والفراعنه على اعلى نسبة تصويت في الحلقة ما قبل الاخيره


والغريب حصول ناصر الفراعنة على نسبة 2% من مجموع الاصوات

وما حصل بالحلقة ((11)) يدل على عدم المصداقيه
اللجنة أعطت الشاعر عامر عمرو 36%
وبقي للجمهور 50%
لو قلنا فرضاً أن الجمهور وهب الشاعر عامر عمرو الــ 50% ماهو الناتج المفترض أن يكون بعد عملية الجمع!!
لابد وأن يكون الناتِج النهائي هو 86% من 100%
ولكن وبقدرة قادر وباعجاز علمي رهيب كان نصيب عامر هو نسبة الـــ 95%لاتندهش ياأخي!!
فطالما أنّك في شاعر المليون فلاتستغرب هكذا ناتج فربما الرياضيات تطوّرت في عالم الشعر!!( الله أعلم )


واسمحوا لي بنقل ما كتبت احدى شاعراتنا الغيورات بعد اسدال الستار على مسرحية نشوى الرويني واعوانها بساعة واحده فقط وابدعت بما كتبت






اقبلوها كما هي وللجميع أصدق العزاء في الشعر والنزاهه




ماهيـب محتاجـه زيـادة نباهـه
هي واضحه من أوّل الجال للجـال
الله مـن زود الطمـع والشراهـه
ياشاعر المليون كم فيـك محتـال
لعبت باسم الشعـر دور الوجاهـه
وجتك الجموع مصدّقه وانت دجّال
دخّلـت شعّـار الجزيـره متاهـه
وجابوا لك المطلوب عذبات وجزال
ومن فوقها الجمهور شـدّ انتباهـه
وريال يتبع بالمسج ساقـة ريـال
توسّموا فيـك الصـدق والنزاهـه
وأثره مثل من يرتجي أشهب اللال
كيف السراب يبلّ يبسـة شفاهـه
ماتت ضما في كذبك حلوم وآمـال
عشنا فصـول المهزلـه والتفاهـه
ونقول باكر تعتدل بعض الأحـوال
والتاليـه بانـت وجيـه الفراهـه
لاعلمكـم طيّـب ولافالكـم فـال
واقولها مـن داخـل القلـب آهـه
لا واحسافه بيعة الشعـر بالمـال
واللي يشارك بعد هـذي السفاهـه
في ذمّتي ماهوب شاعر ورجّـال
وماهيب محتاجـه زيـادة نباهـه
بيموت من يطرد ورا كاذب الـلال



تحيتي للكل

[حسن الحارثي]

الراقي


مشكور على المرور


وكلنا نتفق معك فيما ذكرت

ـــــــــــ


أبو رايد


مشكور

وصح لسان شاعرتنا





تحيااااااتي